منتديات مندائيين

منتديات مندائيين (http://www.mandaian.com/index.php)
-   منتدى الشعر الشعبي و الابوذية و الدارميات (http://www.mandaian.com/forumdisplay.php?f=78)
-   -   سجل دخولك بأبوذية (http://www.mandaian.com/showthread.php?t=67046)

ريري الوكيحة 07-22-2011 07:22 PM

سجل دخولك بأبوذية
 
هلووو شلونكم
شخباركم
اليوم جبتلكم موضوع تلش
حلو
سجل دخولك بأبوذية
او اني لح ابدي


ما تدري بجفاك الكلب ماراد
وكتي وليريده عمل ما راد
بعالي الصوت اصيحن يرد ما راد
هلال اللي مشه ميعود اليه
(تحياتي الكم)

Katefarah 07-23-2011 09:26 AM

رد: سجل دخولك بأبوذية
 
فكره حلوة كَلبي وان شاء الله الكل يتفاعل

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟


تحياتي

ريري الوكيحة 07-23-2011 09:42 AM

رد: سجل دخولك بأبوذية
 
الابوذية بس الك وحدك نصبهة
ومحاجيك عسل عالمر نصبهة
الكلب جم سيطرة بروحي نصبهة
وغيرك ما يمر لو مو هوية

ريري الوكيحة 07-23-2011 09:51 AM

رد: سجل دخولك بأبوذية
 
لـغـز حـبـك بـكلـبـي مـا تـحـلـه.
مــن بـعـدك ريـجـي حـنـظـل مـاتـحـلـه.
أنـعـكـد كـلـبـي وي كـلبـك مـا تـحـلـه.
يـظـل مـعـكـود لاخـــر نـفـس بـيـه..

ريري الوكيحة 07-23-2011 09:56 AM

رد: سجل دخولك بأبوذية
 

هموم هواك ما خلــــــــن .. علي حال
فريضة وحبك مـــــــــن الله .. علي حال
يالتنشد على حالــــــــي .. علي حال
شيفيد النشد عالصار بيـه

ريري الوكيحة 07-23-2011 10:02 AM

رد: سجل دخولك بأبوذية
 

انا الما اكرر بحجيي ولا عيد
ولا احسب بزلاتك ولا عد
شمالك ما تمر بية ولا عيد
الخلل مدري بجنابك مدري بيه

ღ ♫ CuTe RoR0♫ ღ 07-23-2011 11:10 AM

رد: سجل دخولك بأبوذية
 
فكرة كولش حلوة
تسلم ايدج وردة


..................................
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية

ريري الوكيحة 07-23-2011 09:03 PM

رد: سجل دخولك بأبوذية
 
زمان الصعب ماغير طبع بيك
وتظل تنشد على احبابك طبع بيك
الكرم والطيب والغيره طبع بيك
واريد الله يحفظك دوم اليه

انور المندائي 07-23-2011 09:45 PM

رد: سجل دخولك بأبوذية
 
العمر ماي وتبده غفل ونجب


وكف خيل التنعثر وكَع ونجب


الوكت من زمخ كَتله أنلصم ونجب


وغزرته بغيض من عاين عليه

تحياتي

ريري الوكيحة 07-23-2011 11:32 PM

رد: سجل دخولك بأبوذية
 
جبل والريح شامخ ماهوينه

وبعد شخصك يغالي ماهوينه

الجفن والعين تسال ماهو وينه

فركاك شكد صعب واثر عليه

هـِمـَسُـةْ غـْراإمُ 07-24-2011 12:05 AM

رد: سجل دخولك بأبوذية
 

فيض بحور يجيني موجك حبيبي وانهار ...
ويذوب الحيل من اسمع انفاسك وانهار ...
بخيالي عايشه طيوفك ليل ونهار ...
وادعي من ربي يجمعنا سويه ...

ريـمــو آلكـيـلآنـيـــ 07-24-2011 12:15 AM

رد: سجل دخولك بأبوذية
 
عاااشوووو موضوع حللووو

..............................

يضل حبك بكلبي علي دين
عهد للموت ماانساك علي دين
لوما البعد لمشيلك عليدين
فداك الروح يلتسال عليه

عاشقة الليل 07-24-2011 01:15 AM

رد: سجل دخولك بأبوذية
 
افكر بيك يا حبي ولا نام
ولا غمض جفن عيني ولا نام
احب بس اكعد كبالك ولا نام
بعيد وشوفتك حسره عليه

ريري الوكيحة 07-24-2011 03:56 AM

رد: سجل دخولك بأبوذية
 
سهول الناس عندي وانته راسي

سفن غركت ابحري وانته راسي

حبيبي انته وحياتي وتاج راسي

واعز منك ترا ماكو عليه

ღ ♫ CuTe RoR0♫ ღ 07-24-2011 09:21 AM

رد: سجل دخولك بأبوذية
 
عشكتك عشك يالمهيوب صافي
ولا فد يوم عشت ابال صافي
وقصتي لو حجوهه بيوم صافي
تغير دنيتي وتمطر عليه

Katefarah 07-24-2011 11:05 AM

رد: سجل دخولك بأبوذية
 

تطشر حبي يمك ..وانتشربك
ولضل بس انت اوكلك ..وانتشربك
حبيبي وخلي احضنك..ونتشربك
واريدن احضنك حضنه قويه.

ريـمــو آلكـيـلآنـيـــ 07-24-2011 05:57 PM

رد: سجل دخولك بأبوذية
 
انتهينا وايست منك وضعنه
وكل واحد ماشي بدربه وضعنه
كَضه وياك واتبدل وضعنه
امأيس واغسلت منك اديه

المستبدة 07-24-2011 06:04 PM

رد: سجل دخولك بأبوذية
 
احبك دوم صدك وانتشيلك
وشي ماعندي يمك وانت شيلك
اذب الناس كلهة وانت اشيلك
بعيوني واخيطهن بدية

انور المندائي 07-24-2011 07:27 PM

رد: سجل دخولك بأبوذية
 
ليش الفرح من ردته يردني

والحزن فاتح ليه دراعين يردني

لا تمد ايدك لا تكرب النار يردني

خافنك تحترك وتكب عليه

العاشق المندائي 07-24-2011 08:42 PM

رد: سجل دخولك بأبوذية
 
[glint]اكتبلي شما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه[/glint]


المستبدة 07-24-2011 08:53 PM

رد: سجل دخولك بأبوذية
 
طعم حبك حبيبي عسل ويجوز
ومنك مايتوب الكلب ويجوز
تريد انساك بس بالموت ويجوز
تلمنة الاخرة ونرجع سوية

ღ ♫ CuTe RoR0♫ ღ 07-25-2011 12:39 PM

رد: سجل دخولك بأبوذية
 
فيض بحور يجيني موجك حبيبي وانهار ...
ويذوب الحيل من اسمع انفاسك وانهار ...
بخيالي عايشه طيوفك ليل ونهار ...
وادعي من ربي يجمعنا سويه ...

Katefarah 07-26-2011 11:01 AM

رد: سجل دخولك بأبوذية
 

الك ياما دليلي ارتجل ونشد
وحبلي وياك حيل انعكد ونشد
اهيم ابذكر طرواك ونشد
واحس اعضاي كلهن مو اليه.

المستبدة 07-27-2011 12:33 PM

رد: سجل دخولك بأبوذية
 
يمحبوبي لاتكطع فرد نوب واصل بينا
ترة الشوق للموت واصل بينا
تعرف ان الوفا من اطباعنا واصل بينا
ثابت ماتغيرة الا المنية

العاشق المندائي 07-27-2011 12:36 PM

رد: سجل دخولك بأبوذية
 

هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه

المستبدة 07-27-2011 12:39 PM

رد: سجل دخولك بأبوذية
 
جروحك ياكلب للشمس شرهن
وليالي الضيم ابد ماينحمل شرهن
الك رهنت العمر وبعد شرهن
اذا حتى العمر ماظل الية

العاشق المندائي 07-27-2011 12:42 PM

رد: سجل دخولك بأبوذية
 
[size="6"غيرج ما حله بعيني ولا طاب
ولا دونج دخل كلبي ولا طاب
يجرحي وياج لا هود ولا طاب
دم ينزف ولا تدرين بيه

][/size]

المستبدة 07-27-2011 12:44 PM

رد: سجل دخولك بأبوذية
 
الك كل يوم اتعنى واصل بيك
عنادك وين يابن ادم وصل بيك
حبيبي وشايل بجيبي وصل بيك
وباجر بيك ينطوني هوية

العاشق المندائي 07-27-2011 12:50 PM

رد: سجل دخولك بأبوذية
 
محبتك تجري وي روحي ويه دماي
وعليك انشلت اعظامي ويدماي
انجويت انه ابيد انه ناري ويدماي
ولكن من يطابكهن سويه

المستبدة 07-27-2011 12:55 PM

رد: سجل دخولك بأبوذية
 
قلبي مالعب غيرة لعابه
واحس شفة لامراضي لعابه
سبحانه الذي صاغة لعابة
ونفخ بي روح حتى يعم علية

المستبدة 07-27-2011 01:16 PM

رد: سجل دخولك بأبوذية
 

كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه

العاشق المندائي 07-27-2011 01:22 PM

رد: سجل دخولك بأبوذية
 
اعوفن روحي بالونه وسع فاك
يبرحي اشكد احب تمرك وسع فاك
عله العالو يطبعي اشكد وسع فاك
وسكت بمستحه عله العال بية

المستبدة 07-27-2011 01:35 PM

رد: سجل دخولك بأبوذية
 

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه


ريري الوكيحة 07-27-2011 08:34 PM

رد: سجل دخولك بأبوذية
 
يضل حبك بكلبي علي دين

عهد للموت ماانساك علي دين

لوما البعد لمشيلك عليدين

فداك الروح يلتسال عليه

المستبدة 07-27-2011 09:28 PM

رد: سجل دخولك بأبوذية
 

المصايب بس على روحي تلافت
يقلبي اعله النكر طيبك تلافت
اون وعظامي بهجرك تلافت
طريح وساد دوب النفس بيه

Katefarah 07-28-2011 10:22 AM

رد: سجل دخولك بأبوذية
 
رمح جارح وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه

المستبدة 07-28-2011 08:35 PM

رد: سجل دخولك بأبوذية
 

أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه

Katefarah 07-29-2011 08:28 AM

رد: سجل دخولك بأبوذية
 
على ضيم الهوى ياروح علمي
وبيها ارفعت اني اليوم علمي
سالتها المستوى وتكول علمي
بخامس باء يالتسال عليه

انور المندائي 07-29-2011 03:48 PM

رد: سجل دخولك بأبوذية
 
خلافك من طحت مالي ولف كَام

انهجم طولك احلى كَامه والف كَام

ألف يشرد لمن تمركَ والف كَام

والف يوكَف ياديلك تحيه

ريماس المندائية 07-29-2011 04:12 PM

رد: سجل دخولك بأبوذية
 
عشتي قلبي ع موضوع الراقي
والفكرة الحلوووووة


عشرتي وياك ما يذبل وردهه
ودمعتي توصل لرمشي واردهه
روحي الك بستان واقطف وردهه
أخذ الورد وعوف الشوك اليه


تحياااااااتي الج



جميع الأوقات بتوقيت GMT. الساعة الآن 08:16 AM.

Powered by vBulletin Version 3.8.1
Copyright ©2000 - 2020, Jelsoft Enterprises Ltd.
منتديات مندائيين لا تنتمي الى اي قناة او صحيفة او حزب و هي منتديات منتدائية و جميع المشاركات والمواضيع فيها تعبر عن وجهة نظر كاتبها
كلمات البحث: Mandaean, Mandaeanism, Sabian, Sabean, Gnostic, Baptist, Iraq, Iran, Union, Associations, Ginza, Manichaeans, Mani, Nazorean - صابئة, مندائي, مندائية, مندائيون, الصابئة المندائيون, مندائيين