منتديات مندائيين

منتديات مندائيين (http://www.mandaian.com/index.php)
-   منتدى الشعر الشعبي و الابوذية و الدارميات (http://www.mandaian.com/forumdisplay.php?f=78)
-   -   سجل دخولك بأبوذية (http://www.mandaian.com/showthread.php?t=67046)

ريماس المندائية 07-20-2012 09:51 PM

رد: سجل دخولك بأبوذية
 
بكلبي الك يحلو الطول ولع صار
قبل كلت احبك نعم ولع صار
بعيني المطر والروج والعصار
يهدون لو مريت انت بية

سِحـر أَلـغَـرام 07-21-2012 08:17 PM

رد: سجل دخولك بأبوذية
 
شفت شمس وكمر يضوي خلالك
ربك من وجه يوسف خلا لك
تنحه الحسن عن عرشه خلا لك
لأن شافك صبح بوكت المسية.

ريماس المندائية 07-21-2012 08:45 PM

رد: سجل دخولك بأبوذية
 
تراجي من الذهب لابس وساعة
وقميصة من الخصر مابي وساعة

ساعة ينام المدلل وساعة
يفز مرعوب ريتة بين ايدية

سِحـر أَلـغَـرام 07-22-2012 10:49 AM

رد: سجل دخولك بأبوذية
 
عله ايدك يا حمام الدوح**ودي
رساله وخلهه عند اديار**ودي
شودك لون كتلي اليوم **ودي
سلامي توصله واطيب تحيه

ريماس المندائية 07-23-2012 12:35 AM

رد: سجل دخولك بأبوذية
 
نِسل عنكم ولاتسأل تِمرنه
عسل ثغرك نصير وانته مرنه
طبع نخله نشامر لك تمرنه
طبع بيك الحجر ترمي عليه

سِحـر أَلـغَـرام 07-23-2012 12:19 PM

رد: سجل دخولك بأبوذية
 
عزيز وشوفتك عنــدي محلهه
والك عكده وسط كلبي محلهه
حبيبي جيتك لينه محلهــــــــه
تعــــــال بغيبتك شفت المنيه

ريماس المندائية 07-23-2012 02:25 PM

رد: سجل دخولك بأبوذية
 
كلبي موبس الي مشغول هملك
وروحي من الظهر تدفعني وهملك
احذرك راح اعوفنك وهملك
وَهمل الروح اذا ضغطت عليه

سِحـر أَلـغَـرام 07-23-2012 08:30 PM

رد: سجل دخولك بأبوذية
 
الكَلب والعين محبوبي ترك لك
وجميع اعضاي من تبعد ترك لك
بجمالك لاتصف يمي تراك لك
واذبك عضم لاتكرب عليه

bsheer_aljizany 07-23-2012 08:48 PM

رد: سجل دخولك بأبوذية
 
لاجل عينك اصير رماد وانذر
والشوفتك اطش جكليت وانذر
اذافديوم اصير حكم وانذر
اشيل احمر طرد موبيك بية

ريماس المندائية 07-23-2012 08:54 PM

رد: سجل دخولك بأبوذية
 
منعته القلب وعرف من عفتكم
وانتو العفه تاخذ من عفتكم
امس شورتو بيه من عفتكم
ضعف ما صار بيكم صار بيه


جميع الأوقات بتوقيت GMT. الساعة الآن 09:26 AM.

Powered by vBulletin Version 3.8.1
Copyright ©2000 - 2020, Jelsoft Enterprises Ltd.
منتديات مندائيين لا تنتمي الى اي قناة او صحيفة او حزب و هي منتديات منتدائية و جميع المشاركات والمواضيع فيها تعبر عن وجهة نظر كاتبها
كلمات البحث: Mandaean, Mandaeanism, Sabian, Sabean, Gnostic, Baptist, Iraq, Iran, Union, Associations, Ginza, Manichaeans, Mani, Nazorean - صابئة, مندائي, مندائية, مندائيون, الصابئة المندائيون, مندائيين