منتديات مندائيين

منتديات مندائيين (http://www.mandaian.com/index.php)
-   منتدى الشعر الشعبي و الابوذية و الدارميات (http://www.mandaian.com/forumdisplay.php?f=78)
-   -   سجل دخولك بأبوذية (http://www.mandaian.com/showthread.php?t=67046)

العاشق المندائي 08-17-2011 03:11 PM

رد: سجل دخولك بأبوذية
 
احبك يابعد كلبي وانته روحي
وصرت انته حياتي وانته روحي
كالولي عوفه اشلون اعوفك وانته روحي
اذا اعوفك مصيبه تحل عليه

ريري الوكيحة 08-17-2011 03:15 PM

رد: سجل دخولك بأبوذية
 
~~حبيبي العمر يركض مايتاني

واناالعطشان منك ماي اتاني~~

~~تعال اليوم ترى باجر ميت اني

وبس شوفتك ترد الروح بية ~~

العاشق المندائي 08-17-2011 03:17 PM

رد: سجل دخولك بأبوذية
 
لويهل رمضان حاول لا تصوم
انته موواجب شهر رمضانک
لئن بلسانک عسل داير عليه
انته تفطر من تضوگ السانک

ريري الوكيحة 08-17-2011 03:21 PM

رد: سجل دخولك بأبوذية
 
حبيب ماشفت مثلك ولا اشوف

ولجلك راحت عيوني ولاشوف

الما يحبك لا عقل عندة ولاشوف

تظل انت الوفي وغالي علية

العاشق المندائي 08-17-2011 04:20 PM

رد: سجل دخولك بأبوذية
 
احبك مره كولي و سمعيني
و اذبحيني وراها و سمي عيني
سمي قلبي و سمي روحي و سمي عيني
و يضل سمج مثل ببسي اليه

ملاك النور 08-17-2011 04:32 PM

رد: سجل دخولك بأبوذية
 
كل ميسيه و عني انت بعيد تشهك الروح و اتصيح وين رحت و عفتني وحيد يالي يجتك عدي عيد

العاشق المندائي 08-17-2011 04:35 PM

رد: سجل دخولك بأبوذية
 
روحي بدون روحك مره روحي
تريد اتشوف غيرك مرة روحي
اظن تنساك رادت مرة روحي
نستني وفضلت ذكرك علية

ღ ♫ CuTe RoR0♫ ღ 08-17-2011 06:39 PM

رد: سجل دخولك بأبوذية
 
زاد بكلبي شوكك وانته قل بيه
وصعد للراس حبك وانتقل بيه
احب شلون بعدك وانته قلبي
وانه بكلبي احبن مو بديه

العاشق المندائي 08-18-2011 04:38 PM

رد: سجل دخولك بأبوذية
 
انا العطشان منك ماي اتاني
ومثل صبري بغيابك من يتاني
تكلي اشلون صحتك ميت اني
لان فركاك هو العم عليه

ريماس المندائية 08-18-2011 04:57 PM

رد: سجل دخولك بأبوذية
 
شكثر هم بدليلي يامه عانه
وتعذب يامه ويامه عانه
يعمي انته معاهم يا معانه
تهد وتفازع وتاهت عليه



جميع الأوقات بتوقيت GMT. الساعة الآن 09:28 AM.

Powered by vBulletin Version 3.8.1
Copyright ©2000 - 2020, Jelsoft Enterprises Ltd.
منتديات مندائيين لا تنتمي الى اي قناة او صحيفة او حزب و هي منتديات منتدائية و جميع المشاركات والمواضيع فيها تعبر عن وجهة نظر كاتبها
كلمات البحث: Mandaean, Mandaeanism, Sabian, Sabean, Gnostic, Baptist, Iraq, Iran, Union, Associations, Ginza, Manichaeans, Mani, Nazorean - صابئة, مندائي, مندائية, مندائيون, الصابئة المندائيون, مندائيين